سباغتي دجاج

المقادير:

500 غ سباغتي

دجاج قطع صغيرة

بصله مفرومة

5 طماط مفروم

4 فصوص ثوم

علبه معجون طماطkdd

البهارات:

ملح- فلفل

كركم

كاري

الطريقة:

1. نحمر البصل بشوي زيت

2. نضيف الدجاج وبعد ما يتغير لونة نضيف البهارات والثوم والمعجون

3. نضيف الطماط المفروم والملح ونتركة يتسبك على نار هادية

4. نزيد شوي ماي عشان نتاكد من سوى الدجاج

5. بعد سلق السباغتي يالماي والملح وشوي زيت نضيفها للصوص ونتركها تقريبا 15 دق تتسبك مع بعض

مسخن

المقادير:


دجاجتان (مخلـّيتان من عظام الظهر)


6 ستة من فصوص الثوم، مهروسة


• ملح وفلفل


ملعقة صغيرة من القرفة


1 ملعقة صغيرة من السّماق


2 ملعقتان كبيرتان من زيت الزيتون


عصير ليمونة واحدة


1 ملعقة صغيرة من الفلفل الأحمر الحلو (Paprika)، المطحون


• خبز إيراني أو عربي مفرود أو شراك (للتقديم مع البصل)




البصل:


بصل مفروم او شرايح


زيت ييتون يغطي 3\4 البصل


على نار هادية لما يذبل البصل


نضيف عصير نص ليمونة + 3 م ك سماق او حسب الذوق


ملح







الطريقة:


نتبل الدجاجة على الاقل 4 ساعات في الثلاجة بعدين نشويه بالفرن


نجهز البصل على نار متوسطة


انا استخدمت بالصورة خبز الشراك بس بالخبز الايراني احلى


خبز الشراك حلة حق رولات المسخن


نخلط مرقة سلق دجاج مع شوي من زيت البصل


نمسح الخبز بخلطة الزيت ومرقه الدجاج فوقهم البصل بعدين الدجاج والصنوبر


انا احب احط رشة سماق على الدجاج قبل ما يدخل الفرن











طريقة التقديم:





1.اذا تحبون تفردون الخبز في صينية وفوقهم الدجاج نفس الصورة


او


2.كل خبزة بروح نحط عليها بصل و قطعه دجاج ونلفها بقصدير وندخلها الفرن
او
3. رولات مسخن موجودة هني



الطريقة الي تحبون


الطريقة من برنامج صحبه طيبة- فتافيت

خبز الشراك

المقادير:
2 ك طحين اسمر
1 ك طحين ابيض
2 م ص خميرة
1م ص سكر
ملح
كوب ماي ......... تقريبا

الطريقة:
1. نخلط المواد الجافة
2. نضيف الماي بالتدريج وتتخمر ساعه تقريبا
3.نقسم العجينة كور
4. نفرد العجينة تقريبا نص سم او حسب ما تحبون ونحمرها على صاج حار

بيتزا قيصر

المقادير:

الصوص:

1 فلفل بارد مفروم نااعم

1 فلفل حار مفروم ناعم

3 ثوم \ 1 م ص زنجبيل

5 طماط مبشور

2 م ك زيتون اخضر مفروم

1 م ص نعناع ناشف

ملح

1 م ك معجون طماط

طبقة الجبن:

كرافت شدر

كاتشب العلالي

زبده بحرارة الغرفة

الطريقة:

نخلط كل المكونات بجدر ونخليها على نار متوسطة لما ينشف الماي

بعد ما نفرد العجينه نحط على كل قطعه 1 م ص صوص وقطعه صغيرة زبده وفوقهم الجبن

ندخلها الفرن من 10 دقايق وممكن اكثر شوي بس ننتبه ما تتحمر وايد من تحت

نطلعها من الفرن ونحط عليها الكاتشب وندخلها مره ثانية بس ثواني

الطريقة منقوله والصور من تطبيقي

خبز البانيني

المقادير:

4\1 3 كوب طحين" كوب عياري"

3 م ك زيت

1 م ك سكر

1 م ك خميرة

ماي

ملح

الكميه عطتني 4 خبزات حجم كبير

الطريقة:

1. نخلط المواد الجافه

2. نضيف الماي بالتدريج ليما نوصل لقوام متماسك ما يلتصق بالايد

3. تتخمر حسب من ساعه الى ساعتين

4.طريقه التشكيل سهله وموجوده في اللينك نصيحه ابتدوا من الدقيقة 4 عشان ما تصدعون

ملاحظة: اهي لا تدهنون الطاول بزيت نفس ما تقول رشه طحين كفايه

5.نرش صينية الفرن بطحين ونترك الخبز يتخمر 30 دقيقة

6. نسخن الفرن وندخل الخبز تقريبا 180 تقريبا 15-20 دقيقة

ملاحظة : البانيني ما يتحمر يطلع من الفرن من تحت شوي اصفر مو بني ومن فوق ابيض نفس الصورة

بعد ما تطلع من الفرن يا تحطونها على شبك او تغلفون كل وحده بورق ابيض الي يستخدم في المطاعم

7:نمسح بالفرشة شوي زيت على الخبز ونحمرة بشوايه حااارة ثواني بس

وعشان تعطيكم نفس الشكل نشويها بشكل مايل

اذا ملاحظين الخبزة الي ورا شكلها غير لان ما مسحتها بزيت

محمرة

المحمرة من المقبلات الشاميه
المقادير:
4 بصل مفروم ناعم
2 م ك هريسه فلفل احمر " معبوج" اذا ما تبون سبايسي ضيفوا قفشة وحده
1 م ك نعناع مجفف
1 الى 2 م ك سمسم
1م ك روب
1 م ص كمون
ملح
دبس الفليفله .... انا اسخدمت علبه معجون طماط

بقدونس اختياري

زيت

الطريقة:

نحمر البصل بازيت ليما يتغير لونه

نضيف البهارات الفلفل والمعجون

اخر شي نضيف الروب والبقدونس

طريقة التقديم:

ممكن تتقدم بطبق مثل المتبل والحمص

او تتقدم بشكل فطاير

بيتزا

اليوم 11-9-2011 اختي مشتهيه بيتزا فقعدت ادور بالنت ابي عجينة بيتزا

ولقيت هالوصفة وحمدالله طلعت حلوة وسوتلي بيتزا لاربع ايام جدام لان الكمية كبيرة

المقادير:

كل شي بالاكواب العيارية

الجزء الاول: يتخمر 15 دقيقة

كوب ونص ماي دافي

2 م ص خميرة فورية

1 م ص سكر

الجزء الثاني:

كيلو ونص طحين ابيض المطاحن

2 م ص ملج

1 م ك زيت زيتون

كوب وربع وكحد اقصى كوب ونص ماي....

الخميرة الي جهزناها من قبل

الطريقة:

بعد ما تجهز الخميرة نخلط كل المقادير مع بعض

العجينة جافة وتحسين محتاجه ماي وتتفتفت بس مع العجن تتماسك شوي وبعد ما تتخمر

تقريا ساعتين راح تصير متماسكة وما تتلصق

الكمية تسوي 4 بيتزات>>>>>>>>>جمع بيتزا

او 8 صغار

قسمتهم 4 وخليتهم يتخمرون مره ثانية بعد هالمرحله لج الخيار تبين تسوينها فرش

او تغلفين كل وحدة ببلاستك وتخلينها بالفريزر واي يوم تبين طلعيها قبلها بوقت

الصوص:

طبعا حقوق النشر محفوظة لخالتي(:

اول شي في اي بيتزا الطبقة الاولى شوي زيت زيتون وفوقة الصوص

ومقادير الصوص منزلتهم هني

بعدها زيتون حلواني " زيتون اخضر حار"

بصل ابيض وفلفل بارد شرايح ضعيفة

طماطه مفرومة

جبنه مازوريلا اي نوع تحبون

ملاحظات:

1. العجينة جافة جدا لا تضيفون ماي زيادة مع التخمير تصير زينه

هذا اللنك شوفوا طريقة فرد العجبنها وشكلها قبل التخمير

2. الفرن حار على اعلى درجة وتاخذ البيتزا الكبيرة من 10-15 دقيقة

3. العجينة تنفرد بالايد وما نحتاج طحين الا على صينية الفرن عشان ما تلصق عليها

معدس

المقادير:
بصلة متوسطة مفرومة ناعم
2 طماط مقطع مكعبات كبيرة
2 ك عيش
1\2 ك عدس
البهارات:
1 م ص كركم + كمون + فلفل اسود
تقريبا 6 اكواب ماي حار + 1 م ص كركم
ملح
3 م ك زيت

الطريقة:
1. نحمس البصلمكونات بالزيت لما يذبل نضيف باقي البهارات وباقي المكونات
2. نضيف الماي الحار لما يغطي العيش نغطي الجدر ونخليه يطبخ على نار هاديه
وعليكم بالعافية


طبعا المعدس له طقوس خاصة لازم معاه:
+اجار
+دقوس طماط او صبار
+ معبوج
+ رقي
+ لبن

دجاج بالزنجبيل

هالصينية من الاطباق السهلة ونقدر نحضرها قبل وقت

المقادير:
دجاج مقطع ارباع او اكثر
2 بصل جوانح
راس ثوم
ليمونة او اكثر مقطعة ارباع
التتبيلة:
زنجبيل فرش مبشور - خل ابيض - زيت زيتون - رشة سماق - ملح - فلفل


الطريقة:
نتبل الدجاج بدون الزيت + البصل ..... بنفس الوقت او من الصبح
بالصينية : قطع الدجاج المتبلة + قطع الليمون + الثوم فصوص بقشرها او نقص الراس بالعرض
على الوجة شوي زيت زيتون
نغطيها بقصدير ساعتين ونص بس الى ثلاث ساعات ..... بعد الساعتين نجيك عليها عشان ما تحترق

انا اسويها ساندويشات مع صوص طحينة + بقدونس + ليمون

اقراص النعناع

1 كيلو لح او دجاج مفروم

بصل ابيض مفروم ناااعم

2 م ص نعناع ناشف

رشة فليفلة حلبية او بابريكا

ملح وفلفل

ممكن اضافة اي بهار

زيت زيتون

الصوص:

1 فص ثوم مدقوق

1\4 ك عصير ليمون

1\2كوب زيت زيتون

ملح

الطريقة:

نفرك اللحم في الخلاط ونضيف 2 الى3 مكعبات ثلج اثناء على اللحم اثناء الخلط عشان يبرد اللحم ضروري

نتبل اللحم او الدجاج بالمكونات نا عدا الزيت

نقسم العجينة كور صغير راح تلاحظون تتلزق بالايد

على طاولة الشغل نحط نقطة زيت زيتونة فوقها كورة اللحة ونغطي اللحم بالزيت كمية حلوة مو شوية

ماراح يتلزق معانا اللحم ونقدر نفردة اقراص ونقليه في مقلا تيفال بدون زيت لان زين الاقراص كفاية

ما تاخذ وقت ثواني على الجهتين وتكون جاهزة

الطريقة للحم والدجاج نفس الشي

الصوص:

نخلط المكونات مع بعض ونقدمة مع الاقراص

كبة بالصينية

هالوصفة ما خذتها من برنامج صحبة طيبة الموسم الاول على فتافيت

حمدالله طلعت حلوة وضبطت معاي من اول مرة

بس انتبهوا لما تشترون اللحم المفروم ما تستخدمون المثلج لازم طازج وما يكون كله شحم

هذا لينك الوصفة

جريش

اليريش او الجريش واحد من الاطباق الي تعلمتها برمضان كنت احس هالطبخه اختراع ومستحيل اسويها بس طلعت
سهله وما يبيلها شي
المقادير:
1 كوب جريش مغسول ومنقوع
2 فخذ دجاج
1 بصل كبير
2 طماط
تقريبا 2 م ك معجون طماط
البهارات:
ملح - فلفل - لومي مطحون - كركم - كزبرة - كمون

الطريقة:
1. نحمس البصل بعدين الدجاج انا استخدمت الفخذ اذا تحبون صدر عادي
2. نحط البهارات ونحمسهم عدل
3. نضيف المعجون والطماط والملح ونخليهم ليما يذبل الطماط ويصير صوص
4. نضيف الجريش والماي ... ماي الجريش اكثر من ماي العيش وكل ما حسيتي قل زيدي ماي
5. نخليها تطبخ ساعة او اكثر بس اهم شي كل شوي تحركينها عشان ما يحترق بقاع الجدر

الحشو:
بصل مفروم نحمسة بشوي زيت
وبهاراته : ملح وفلفل ولومي مطحون

تشريبة لحم

اليوم اول مره اسوي تشريبة وحمدالله كانت حلوة
المقادير:
لحم
بطاط - جزر - باذنجان
1بصل مفروم
1طماط مفروم
معجون طماط
البهارات:
كركم - كاري - ملح وفلفل

التشريبة عبارة عن مرقة خفيفية والي ما يعرفون هذي الطريقة:
نحمس البصل بالزيت ليما يتغير لونة بس ما يحترق
نضيف اللحم ونحمسة عدل ليما يتغير لونة نضيف البهارات وحمسة اللحم اهم خطوة لازم تتاكدون ان انحمس عدل
نضيف المعجون
نحط البطاط والجزر وفوق والطماط والملح ونخفف النار ليما يذبل الطماط عدل
بعدها نضيف الماي ليما يغطي اللحم ويفضل ما نكثر ماي كل ما تحسين احتجتي زيدي شوي
اخر شي هذي اضافه من امي
قبل ما نسكر عليها نضيف حلقات باذنجان مقلية

الحين المرق عندنا جاهز
نحط خبز الرقاق بالصحن وفوقه المرق

وعليكم بالف عافية

زبيدي بقاع الجدر

اتوقع كان يوم 14 رمضان كنت اشوف واحد من البرامج المميزة في رمضان "جدر الوالدة" على قناة الكويت الاولى

عاد كانت حلقتهم عن سمج بقاع الجدر وعجبني شكلها وسهلة

ولان الزبيدي المفضل اشترينا زبيدي وكان فطورنا عجيييييييييييييب

المقادير:

زبيدي تملحونة وتقلونة بدون اي بهارات او كركم

عيش مشخول

الحشو:

كزبرة + شبنت + نعناع + بصل مفروم

ملح + فلفل + لومي مطحون + كركم + كزبرة + كمون

الطريقة:

نخلط البصل " كمية كبيرة" مع باجي الحشو والبهارات والملح بدون ما نحمسلهم كل شي ني

نحط فوقهم الزبيدية المقلية وفوقها العيش

وتخلينها تطبخ على راحتها تقريبا نص ساعة

ولا تنسون الدقوس

فتة حمص

المقادير:

1. خبزة " المطاحن" مقطعة مكعبات مقلية او بالفرن

2. نخي "حمص" انا استخدمت كالفورنيا بس اذا عندكم شغل بيت احسن

3. الصوص:

1 م ص هردة مذوبه بعصير نص ليمونة + علبة روب + فص ثوم

ونقدمهم في طبق اول شي الخبز فوقة الحمص واخر شي الصوص

ملاحظة:

ما نجمع المكونات بالطبق الا وقت التقديم عشان ما يذبل الخبز

وعليكم بالف عافية

خبز الفوكاشيا

focaccia bread

المقادير:

3 ك طحين منخول

1 م ك خميرة \ bp

2 بيض

اقل من كوب ماي

ربع ك زيت زيتون

رشة ملح

1 م ص سكر

الحشوة:

2 بصل جوانح

4 م ك زيت زيتون

1\2 م ك زبدة

1ثوم

زيتون اسود

1 م ك بلسمك

الطريقة:

العجينة :

نخلط المكونات الجافه مع البيض بعدها الماي بالتدريج

واخر شي زيت الزيتون

بالبداية تكون العجينة تتلصق بس بعد ما تختمر 1\2 ساعة نضيف عليها تقريا 1\4 ك طحين او اقل

هالعجينة تعطينا 4 اقراص خبز صغار او اثنين كبار

لما نفرد العجينة ما نستخدم النشابه نفرد كل كرة مباشر باليد على صينية الفرن ونتركا ترتاح بعد الفرد كحد اقصى 5 دقايق

بعدها نسوي علامات بالاصابع على العجينة ونحط فوقها الحشوة وتدخل فرن حار تقريبا 10 دقايق او لحد ما تحمر نشغل الشوايه من فوق

عشان تاخذ لون اشقر

الحشوة:

1. نقطع البصل جوانح ضعيفة ونحطها بجدر مع زيت الزيتون وملح على حرارة واطية ونغطي الجدر بس لازم نحرك البصل كل شوي عشان

ما يحترق لحد ما يذبل البصل نضيف الثوم ونغطي الجدر مرة ثانية ليما يصير لون البصل اشقر يميل للبني نضيف الزبدة والبلسمك والزيتون بس 5 دقايق ويكون البصل جاهز

ملاحظة:

تقدم الفوكاشيا مع زيت الزيتون وخل البلسمك

خبز السميط + لبن عيران

simit bread

المقادير:

1\2 2 كوب طحين ابيض

50 غرام زبدة تفريبا 1\2 قالب

2 م ك زيت زيتون

بيضة

5 م ك حليب بودر

رشه ملح

1 م ك خميرة \ سكر

للزينة:

بياض بيضة + 1 م ك زبدة

سمسم

الطريقة:

1. نخلط الطحين المنخول مع السكر والملح والزبدة والزيت

2. نضيف الخميرة + الحليب + البيض

3. نضيف الماي بالتدريج

4. تتخمر العجينة في المرحلة الاولى ساعة بعدها نقسم العجينة كور تتخمر مرة ثانية نص ساعة

5. نفرد كل كورة بالطول ونلفها بشكل دائرة وهذا لنك الفيديو :
http://www.youtube.com/watch?v=ZQI0OMlmEio

6. ندهن الوجة بخليط بياض البيض والزبدة ونرشها سمسم وتدخل الفرن

لبن عيران:

4 روب

3 كوب ماي

2 م ص ملح

نعناع مجفف 1 م ك

ملاحظة:

كمية الماي مبدئية انا بالنسبه لي كثافته ممتازة بس ممكن تخفيف اكثر اذا تحبون اللبن خفيف

اما الملح فاضافته بالتدريج وحسب الرغبة

نخي بالفلفل

المقادير:

كوب نخي ( حمص) يابس

زيت نباتي

م ك حبوب الخردل

م ك حبوب الحلبة

فلفل احمر مجروش

بصلة صغيرة مفرومة

الطريقة:

ننقع النخي قبل يوم او حتى من الصبح بعدين نسلقة بماي وملح

نسخن زيت بالجدر شوي يعني تقريبا خمس قفاش كبار ونحمر البصل عدل و نضيف الحلبة والخردل والفلفل بعدين

النخي اخر شي بس دقيقة ياخذ النكهه ويوكون جاهز وبالعافية

سلطة بصوص الكزبرة

المقادير:

3جرجير

1بقدونس

1\2 خس امريكي

1طماط مقطع مكعبات

الصوص:

1 كزبرة مفرومة

1\4 ك زيت زيتون

1 م ك دبس الرمان

2 م ك مايونيز

3 م ك روب

ملح وفلفل

1 م ك خل ابيض

<<<<<<<<<<<كل مكونات الصوص بالخلاط

صوص البيتزا

المقادير:

4 طماط

2 م ك زيت زيتون

2 ثوم

ملح وفلفل

1\2 م ص سكر

1\2 م ص بابريكا حلوة

1\2 م ص اوريغانو

2 م ك معجون طماط

الطريقة:

نقلي الثوم بالزيت وبعده انضيف المعجون والطماط المفروم والملح

نتركه على نار هادية ليما يذبل الطماط عدل

انضيف الاوريغانو - السكر - البابريكا

ملاحظة:

ممكن نسوي من الصوص سانويش بيتزا الي اهو:

صمون - صوص البيتزا - جبنه شيدر تدخل الفرن او المايكرويف ليما يذوب الجبن