خبز الشراك

المقادير:
2 ك طحين اسمر
1 ك طحين ابيض
2 م ص خميرة
1م ص سكر
ملح
كوب ماي ......... تقريبا

الطريقة:
1. نخلط المواد الجافة
2. نضيف الماي بالتدريج وتتخمر ساعه تقريبا
3.نقسم العجينة كور
4. نفرد العجينة تقريبا نص سم او حسب ما تحبون ونحمرها على صاج حار

خبز البانيني

المقادير:

4\1 3 كوب طحين" كوب عياري"

3 م ك زيت

1 م ك سكر

1 م ك خميرة

ماي

ملح

الكميه عطتني 4 خبزات حجم كبير

الطريقة:

1. نخلط المواد الجافه

2. نضيف الماي بالتدريج ليما نوصل لقوام متماسك ما يلتصق بالايد

3. تتخمر حسب من ساعه الى ساعتين

4.طريقه التشكيل سهله وموجوده في اللينك نصيحه ابتدوا من الدقيقة 4 عشان ما تصدعون

ملاحظة: اهي لا تدهنون الطاول بزيت نفس ما تقول رشه طحين كفايه

5.نرش صينية الفرن بطحين ونترك الخبز يتخمر 30 دقيقة

6. نسخن الفرن وندخل الخبز تقريبا 180 تقريبا 15-20 دقيقة

ملاحظة : البانيني ما يتحمر يطلع من الفرن من تحت شوي اصفر مو بني ومن فوق ابيض نفس الصورة

بعد ما تطلع من الفرن يا تحطونها على شبك او تغلفون كل وحده بورق ابيض الي يستخدم في المطاعم

7:نمسح بالفرشة شوي زيت على الخبز ونحمرة بشوايه حااارة ثواني بس

وعشان تعطيكم نفس الشكل نشويها بشكل مايل

اذا ملاحظين الخبزة الي ورا شكلها غير لان ما مسحتها بزيت

بيتزا

اليوم 11-9-2011 اختي مشتهيه بيتزا فقعدت ادور بالنت ابي عجينة بيتزا

ولقيت هالوصفة وحمدالله طلعت حلوة وسوتلي بيتزا لاربع ايام جدام لان الكمية كبيرة

المقادير:

كل شي بالاكواب العيارية

الجزء الاول: يتخمر 15 دقيقة

كوب ونص ماي دافي

2 م ص خميرة فورية

1 م ص سكر

الجزء الثاني:

كيلو ونص طحين ابيض المطاحن

2 م ص ملج

1 م ك زيت زيتون

كوب وربع وكحد اقصى كوب ونص ماي....

الخميرة الي جهزناها من قبل

الطريقة:

بعد ما تجهز الخميرة نخلط كل المقادير مع بعض

العجينة جافة وتحسين محتاجه ماي وتتفتفت بس مع العجن تتماسك شوي وبعد ما تتخمر

تقريا ساعتين راح تصير متماسكة وما تتلصق

الكمية تسوي 4 بيتزات>>>>>>>>>جمع بيتزا

او 8 صغار

قسمتهم 4 وخليتهم يتخمرون مره ثانية بعد هالمرحله لج الخيار تبين تسوينها فرش

او تغلفين كل وحدة ببلاستك وتخلينها بالفريزر واي يوم تبين طلعيها قبلها بوقت

الصوص:

طبعا حقوق النشر محفوظة لخالتي(:

اول شي في اي بيتزا الطبقة الاولى شوي زيت زيتون وفوقة الصوص

ومقادير الصوص منزلتهم هني

بعدها زيتون حلواني " زيتون اخضر حار"

بصل ابيض وفلفل بارد شرايح ضعيفة

طماطه مفرومة

جبنه مازوريلا اي نوع تحبون

ملاحظات:

1. العجينة جافة جدا لا تضيفون ماي زيادة مع التخمير تصير زينه

هذا اللنك شوفوا طريقة فرد العجبنها وشكلها قبل التخمير

2. الفرن حار على اعلى درجة وتاخذ البيتزا الكبيرة من 10-15 دقيقة

3. العجينة تنفرد بالايد وما نحتاج طحين الا على صينية الفرن عشان ما تلصق عليها

خبز الفوكاشيا

focaccia bread

المقادير:

3 ك طحين منخول

1 م ك خميرة \ bp

2 بيض

اقل من كوب ماي

ربع ك زيت زيتون

رشة ملح

1 م ص سكر

الحشوة:

2 بصل جوانح

4 م ك زيت زيتون

1\2 م ك زبدة

1ثوم

زيتون اسود

1 م ك بلسمك

الطريقة:

العجينة :

نخلط المكونات الجافه مع البيض بعدها الماي بالتدريج

واخر شي زيت الزيتون

بالبداية تكون العجينة تتلصق بس بعد ما تختمر 1\2 ساعة نضيف عليها تقريا 1\4 ك طحين او اقل

هالعجينة تعطينا 4 اقراص خبز صغار او اثنين كبار

لما نفرد العجينة ما نستخدم النشابه نفرد كل كرة مباشر باليد على صينية الفرن ونتركا ترتاح بعد الفرد كحد اقصى 5 دقايق

بعدها نسوي علامات بالاصابع على العجينة ونحط فوقها الحشوة وتدخل فرن حار تقريبا 10 دقايق او لحد ما تحمر نشغل الشوايه من فوق

عشان تاخذ لون اشقر

الحشوة:

1. نقطع البصل جوانح ضعيفة ونحطها بجدر مع زيت الزيتون وملح على حرارة واطية ونغطي الجدر بس لازم نحرك البصل كل شوي عشان

ما يحترق لحد ما يذبل البصل نضيف الثوم ونغطي الجدر مرة ثانية ليما يصير لون البصل اشقر يميل للبني نضيف الزبدة والبلسمك والزيتون بس 5 دقايق ويكون البصل جاهز

ملاحظة:

تقدم الفوكاشيا مع زيت الزيتون وخل البلسمك

خبز السميط + لبن عيران

simit bread

المقادير:

1\2 2 كوب طحين ابيض

50 غرام زبدة تفريبا 1\2 قالب

2 م ك زيت زيتون

بيضة

5 م ك حليب بودر

رشه ملح

1 م ك خميرة \ سكر

للزينة:

بياض بيضة + 1 م ك زبدة

سمسم

الطريقة:

1. نخلط الطحين المنخول مع السكر والملح والزبدة والزيت

2. نضيف الخميرة + الحليب + البيض

3. نضيف الماي بالتدريج

4. تتخمر العجينة في المرحلة الاولى ساعة بعدها نقسم العجينة كور تتخمر مرة ثانية نص ساعة

5. نفرد كل كورة بالطول ونلفها بشكل دائرة وهذا لنك الفيديو :
http://www.youtube.com/watch?v=ZQI0OMlmEio

6. ندهن الوجة بخليط بياض البيض والزبدة ونرشها سمسم وتدخل الفرن

لبن عيران:

4 روب

3 كوب ماي

2 م ص ملح

نعناع مجفف 1 م ك

ملاحظة:

كمية الماي مبدئية انا بالنسبه لي كثافته ممتازة بس ممكن تخفيف اكثر اذا تحبون اللبن خفيف

اما الملح فاضافته بالتدريج وحسب الرغبة

ماك اريبيا

ساندويش ماك اريبيا

هالوصفه خاصة لعشاق الماك اريبيا

العجينة من منتدى كويتيات

3 ك طحين

1 م ك خميرة

1 م ك بيكنج بودر

3 م ك حليب بودر

ربع م ص ملح - فلفل

ربع ك زيت زيتون

1 1\4 ك ماي دافي

حبه البركة تقريبا قفشة واذا حبيتي اقل او اكثر

والصوص من منتدى الفراشة النسائي

الصوص لذيذ بس الي ملتحب الثوم تسويلها صوص ثاني

طريقة الصوص:

في الخلاط

عصير ليمونة

ملح وفلفل

6 م ك مايونيز

5 حبات ثوم مفرومة

1 م ك زيت

على الجوبه جدر فية كوب ماي + 3 م ك نشا

واستمري بالتحريك راح تتجمد وتصير شفافة

ضيفيها على المكونات الي بالخلاط وخلطيهم عدل بعدين خليه بالثلاجه عشان يبرد

الطريقة:

نعجين العجينه ونتركها تتخمر ساعه

نقسم العجينة كور ونتركها 10 دقائق بعدين نفردها و نحطها بمقلاه حاره بدون زيت

نغطي الخبز بقصيد عشان ما ينشف ونجهز

خس - طماط - ممكن بصل ابيض

نشوي التشكن برجر بدون زيت

الحين كل شي جاهز

حطي قفشة صوص على الخبزة فوقها التشكن برجر وفوقها الخضره وعلى الوجة مره ثانية صوص

لفيها مثل التورتيلا او التويستر بشكل دائري

وعليكم بالعافيه

للعلم انا بالصورة استخدمت صدور دجاج مشوية بس طلعت شوي ناشفة التشكن برجر احلى

العجينة الذهبية

السلام عليكم





هالعجينة صج لذيذة ومثل مايقولون ثلاثه بواحد


سويت منها جبنيه ودونات بالكاسترد وبسكوت التمر





واهي من منتدى كويتيات لاختنا جاره القمر





العجينة:


2ونص كوب دقيق


1 علبه لبن روب


1 ملعقه كبيرة وشويه خميرة فوريه


1 ملعقه كبيرة وشويه بكينج بودر


ربع كوب زيت نص كوب لبن سائل


ملح


3 ملاعق كبيرة سكر


الطريقه :نخلط جميع المقادير بالعجانه ونتركه تتخمر و ترتاح ثلث ساعة





بالنسبه للدونات والجبنية نفرد العجينة ونقطعها دوائر


بس الفرق ان الجبنية اسمك من الدونات شوي مو وايد نخليها ترتاح بعدين نقليها في زيت حااار


اما الدونات بعد مانقطعها نحط بس شوي مربى او كاكاو او كاسترد ونسكرها عدل ونرشها طحين فوق وتحت وبعد ما ترتاح ونقليها بزيت حار


ها نرشها سكر بودره


وبعد ما نقلي





**************


البسكوت بالتمر


نضيف للعجينه شوي حبه سوده ونقسمها نصين ونفردها بشكل مستطيل


العجوة:


تمر عجوة جاهز + زنجبيل - دارسين - حبه سوده


ونفردها بين ورقتين زبده نفس حجم وشكل العجينة








على ورق زبده مستطيل عجين فوقة مستطيل تمر وفوقة المستطيل الثاني من العجين


بالسكين نحدد مربعات على وجه العجين لكن ما نقص العجينة





ويدخل الفرن الساخن بدون صينية فقط ورق زبده على صينية الفرن حتى يحمر