اقراص النعناع

1 كيلو لح او دجاج مفروم

بصل ابيض مفروم ناااعم

2 م ص نعناع ناشف

رشة فليفلة حلبية او بابريكا

ملح وفلفل

ممكن اضافة اي بهار

زيت زيتون

الصوص:

1 فص ثوم مدقوق

1\4 ك عصير ليمون

1\2كوب زيت زيتون

ملح

الطريقة:

نفرك اللحم في الخلاط ونضيف 2 الى3 مكعبات ثلج اثناء على اللحم اثناء الخلط عشان يبرد اللحم ضروري

نتبل اللحم او الدجاج بالمكونات نا عدا الزيت

نقسم العجينة كور صغير راح تلاحظون تتلزق بالايد

على طاولة الشغل نحط نقطة زيت زيتونة فوقها كورة اللحة ونغطي اللحم بالزيت كمية حلوة مو شوية

ماراح يتلزق معانا اللحم ونقدر نفردة اقراص ونقليه في مقلا تيفال بدون زيت لان زين الاقراص كفاية

ما تاخذ وقت ثواني على الجهتين وتكون جاهزة

الطريقة للحم والدجاج نفس الشي

الصوص:

نخلط المكونات مع بعض ونقدمة مع الاقراص

كبة بالصينية

هالوصفة ما خذتها من برنامج صحبة طيبة الموسم الاول على فتافيت

حمدالله طلعت حلوة وضبطت معاي من اول مرة

بس انتبهوا لما تشترون اللحم المفروم ما تستخدمون المثلج لازم طازج وما يكون كله شحم

هذا لينك الوصفة

جريش

اليريش او الجريش واحد من الاطباق الي تعلمتها برمضان كنت احس هالطبخه اختراع ومستحيل اسويها بس طلعت
سهله وما يبيلها شي
المقادير:
1 كوب جريش مغسول ومنقوع
2 فخذ دجاج
1 بصل كبير
2 طماط
تقريبا 2 م ك معجون طماط
البهارات:
ملح - فلفل - لومي مطحون - كركم - كزبرة - كمون

الطريقة:
1. نحمس البصل بعدين الدجاج انا استخدمت الفخذ اذا تحبون صدر عادي
2. نحط البهارات ونحمسهم عدل
3. نضيف المعجون والطماط والملح ونخليهم ليما يذبل الطماط ويصير صوص
4. نضيف الجريش والماي ... ماي الجريش اكثر من ماي العيش وكل ما حسيتي قل زيدي ماي
5. نخليها تطبخ ساعة او اكثر بس اهم شي كل شوي تحركينها عشان ما يحترق بقاع الجدر

الحشو:
بصل مفروم نحمسة بشوي زيت
وبهاراته : ملح وفلفل ولومي مطحون

تشريبة لحم

اليوم اول مره اسوي تشريبة وحمدالله كانت حلوة
المقادير:
لحم
بطاط - جزر - باذنجان
1بصل مفروم
1طماط مفروم
معجون طماط
البهارات:
كركم - كاري - ملح وفلفل

التشريبة عبارة عن مرقة خفيفية والي ما يعرفون هذي الطريقة:
نحمس البصل بالزيت ليما يتغير لونة بس ما يحترق
نضيف اللحم ونحمسة عدل ليما يتغير لونة نضيف البهارات وحمسة اللحم اهم خطوة لازم تتاكدون ان انحمس عدل
نضيف المعجون
نحط البطاط والجزر وفوق والطماط والملح ونخفف النار ليما يذبل الطماط عدل
بعدها نضيف الماي ليما يغطي اللحم ويفضل ما نكثر ماي كل ما تحسين احتجتي زيدي شوي
اخر شي هذي اضافه من امي
قبل ما نسكر عليها نضيف حلقات باذنجان مقلية

الحين المرق عندنا جاهز
نحط خبز الرقاق بالصحن وفوقه المرق

وعليكم بالف عافية

ورق عنب

ورق العنب من الاطباق الي الكل يحبها
وحلاوتها لما ننطرها مرة بالشهر مو مثل هالايام كل اسبوع لازم تكون موجودة
وبما انها متعبه اسويها بيومين
الاول الف الورق واحطة بعلبة بالفريزر
وثاني يوم اطلعة من الصبح لي حزة الطبخ اصف بالجدر شرايح بطاط او جزر وفوقهم
جوانح دجاج او قطع لحم او في بعض الطبخات نقص ظهر الدجاج والاجنحة فممكن تستخدمينها تحت ورق العنب بس عشان النكهه
هالشغلة مو ضرورية اذا مو متوافر عندج عادي

نبدي بالمقادير:
علبه ورق عنب " العلالي او شتورة"
مكيالين عيش " ارز" مصري
2 بصل كبير مفروم نااعم
2 طماط مفروم ناعم
كزبرة - بقدونس - شبنت
فنجان قهوة دبس الرمان
2 مكعب ماجي........... نخلط الماجي مع الدبس ومعاهم فنجانين ماي حاار
1 ملعقة الحلو مللللللح

البهارات:
كمون - كزبرة - كركم - كاري
تقريبا ملعقة صغيرة " اصغر من ملعقة الحلو"
من كل نوع



الصوص:
1\2 ك زيت زيتون
1\2 ك عصير ليمون طازج
ماي




الطريقة:
1, نحمس البصل بزيت عادي او زيت زيتون ليما يذبل وتروح ريحة البصل
من غير ما يتغير لونة
2, نضيف العيش المغسول والمنقع بماي
3, نضيف المكونات بالتتابع وقبل ما نضيف اي مكون جديد نطبخ المكون الاول عدل

البهارات
الطماط
خلطة الماجي والدبس
الملح والخضرة ونطفي النار على طول



نحشي الورق بالخلطة ونصفة بالجدر فوق البطاط واللحم
بعدها نصب الليمون والزيت على الورق مباشرة
بعدين نضغط على الورق بصحن ثقيل يتحمل الحرارة
ونصب الماي ليما يغطي الورق ويطلع على جوانب الصحن

نغطي الجدر ونخلية على نار عالية ليما يغلي
بس يغلي نوطي النار ونتركة ليما يستوى انا تقريبا يقعد عندي ساعتين
بس مو مقياس بس ينشف الماي يكون جاهز


جربوها وادعولي

ملاحظة كمية الخلطة تكفي اكثر من علبة
انا اسوي علبتين اعزلهم عن بعض وافرزهم كل علبه بروح
ووقت ما ابي اطلع علبة وحده واطبخها

اذا بتطبخون العلبتين الحشوة نفسها
بس اكيد الزيت والليمون لازم يزيد بالصوص


********************

stuffed grape leavese

.........................................

Grape leavese

rice 5 cup

onions 2

tometo 2

coriander - parsley - dill

pomegranaet molasses 3 tab .spoon malt in 2 tab .s water

cube chicken broth 2 melt in 1\4 cup water

salt1tea spoon

*******

• 
  
  
  put chopped onions in oil until tender

add

rice- spices- tometo

after 2 minutes add

pomegranaet molasses - chicken

and the herbs

leave the rice too cool .......................

bring pot and bout in the bottom

.......potato chips+ chickin wings

put 1 t.s rice into each grape leavese

but it on the potato and chickin wings

add 2lemon juise + 1\2 cup olive oil

but heavy plate over grape leavese

add water to cover the leavese

left to cook on low heat for 2 hours

eaten hot or cold

if the leavese fresh

boil until softened

if it unpackaged just wash with water

butter chicken

بتر جكن

المقادير:

1\2 علبة من صدور الدجاج المجمدة .............انا استخدم ساديا وممكن تستخدمين دجاج طازج

2 بصل مفروم ناعم

2 طماط مفروم

نص علبة معجون kdd

استكتنة صبار " تمر هندي" .......انا استخدم الجاهز في علبة مثل الكاتشب

استكانة كريما سائلة kdd

ربع اصبع زبدة

زيت

5 ثوم + قطعة بحجم عقلة الاصبع تقريا من الزنجبيل

فلفل اخضر حار

البهارات:

رشة فلفل اسود

نص م ص ........ كاري- كمون

الطريقة:

1. نقطع صدور الدجاج لمربعات ونتبلها بكركم وكمون تقريبا نص قفشة حلو من كل نوع

2.بالجدر نحط الزبدة والزيت ونحمر البصل فيها وبعد مايذبل انضيف الثوم الي دقيناه مع الزنجبيل بعدين الفلفل

3. نضيف الدجاج ونقلبة ليما يطلع الماي انضيف البهارات

4. نضيف المعجون ونحمسة عدل بعدين الصيار وبعدها الطماط والملح

5. راح يصير عندنا صوص ثقيل انضيف علية الكريما ونتركة ليما يستوي واذا احتاج نزيد شوي ماي بس ننتبه لان اهي

لازم تكون خاثرة............ في ناس تستخدم الكريما الحامضة اتوقع تطلع احلى بس ماجربتها

6. تقدم مع خبز النان وعليكم بالعافية

***********************

cicken breasts 2

onion chopped 2

tomato chopped 2

tomato paste 2 t.s

cream 4 t.s

butter 25 gram

oil

hot green pepper

garlic 5

ginger 1t.s

pepper - curry - iatency

cut cicken into small cubes and add spicy>>>>>>>>>>1 sweet spon

melt the butter in the pot with 3 t.s oil

fry the onions- garlic , ginger paste and hot pepper

add cicken and spicy

after 7 min add

tomato and tomato paste

add cream

if you need add littel water

برجر

السلام عليكم

امس كان عشانا لذيذ وسريع ومحد يصدق ان هالطبقين مسويتهم بطبخة وحده لا وبالبرجر

المقادير:

1.برجر ....انا استخدمت خزان لان سميكة وما تعطي نكهه

برجر خصوصا للناس الي ما يحبون البرجر بس تقدرين تستخدمين النوع الي تبين بشرط تكون سميكة

2. بصل ابيض مقطع جوانح

3. كركم - فلفل اسود

للطبق الاول نحتاج زيتون اسود شرايح بدون نوى

للطبق الثاني نحتاج دبس الرمان وصنوبر ......انا استخدم الاوربي تكون حبته سميكه وقصيرة وطعمه احلى

وجوز " عين الجمل" مقطع ..........اذا ما تحبون مو ضروري

الطريقة:

هذا الصنوبر العادي والاوربي

1. نحمر البصل في الزيت بعدين نضيف البهارات

2. نقطع البرجر مكعبات ونطبخها معاها ليما تستوي

3. هذا الحط الفاصل نقسم الكمية في جدرين

الاول:

نضيف عليه زيتون اسود شرايح بس ثواني ياخذ الطعم .

الثاني:

انضيف الدبس شوي شوي ليما نوصل للطعم الي نبي بعدها نضيف الصنوبر والجوز وهم ثواني واهي جاهزة

طبعا الطبق ما يكمل الا بالخبز الايراني وكولا بااااااااااارده وحبيب الكل روب وخيار" مع الاوريغانو"

****************************

different dishes at the same time

...........................................................

frozen berger12

white onion 3

for the first dishe you need

black pepper

black olives

for the second dishe you need

pomgranate molassea

pine

nuts.......optional

.....................cooking method.................

fry onion in littel oil

add the berger......section cubes

but the bergere in 2 container

add "pepper- olives" for the first

add"molassea-pine-nuts"for the second container

heat for 2 min

now it’s ready for eat

..............note........

serve with arabic bread

yogurt4 + cucumber3+ dried mint1 tab.spoon...... yogurt salad