اللقيمات

القيمات

السلام عليكم

بعد محاولات فاشلة مع اللقيمات والنتائج المخزية بصراحة
توصلت لوصفة لقيمات سحرية مضبوطة ان شاء الله 100%

ما ادري شنو اسم صاحبة الوصفة بس كانت من منتدى الفراشة النسائي

المقادير والطريقة:


أ:
2 كوب طحين............ انا استخدم كوب قياس السوائل
ومع ان الاخت صاحبة الوصفة شددت ان مانستخدم الطحين الكويتي مولاي اسبابة سياسية لا لان يشرب الزيت
ولان انا اشجع المنتج الكويتي والكويتي انفع جربت طحين المطاحن وطلعت ممتازة

نص كوب قياس المواد الجافة ومايعادل سكانة شاي ............سميد ناعم"سر النكهه"
ونص كوب او سكانة زيت
2 ملعقة حلويات خميرة فورية
رشة ملح

ربع ملعقة هيل ناعم..........................اختياري

نخلطهم عدل



ب:
نخلط كوب واقل من ربع كوب ماي نفس الي استخدمناه للطحين
نص علية روب kdd
بيضة وحدة................ مو ممكن تلغون البيضة وماراح تبين ولا تحسون بزفر باللقيمات

نخلطهم عدل ونصبهم مرة وحده فوق الطحين ونخلطهم بخلاط الكيك الكهربائي






ملاحظات:
قوام الخلطة مثل الكيك شوي سائلة بس بعد التخمير بتتجمد شوي بس هم سائلة

نتركهم يتخمرون عدل

الزيت ما يكون حار يحرقهم ولا بارد عشان ما يتشربون زيت وايد

الشيرة تكون جاهزة عندج وبارده مو توج مسويتها وعلى طول من الزيت للشيرة لي المشخال عشان نصفيهم